Резиме: Здружението на граѓани - Асоцијација за рециклирање на пластика на Република Македонија „ПЕТРА“ започна со реализација на проектот финансиски подржан од ГЕФ ПМГ (Глобален еколошки фонд Програма за мали грантови) и МДЦ- ТИ. НЕТ. Региони опфатени со проектот се: Битолски регион, Скопско/шарски регион, Југоисточен регион и Источен Регион.

Генерална цел на проектот: Намалување на количините на НОЗ кои се испуштаат од спалената  отпадна ПЕТ пластична амбалажа и едукација за промена на јавното мислење во однос на квалитетно управување со отпадната ПЕТ амбалажа во основните училишта.
Предвидени проектни активности се:

• Анкетирање на учениците, училиштата и домаќинствата кој би бил капацитетот на собирање/носење од дома отпадна пластична ПЕТ амбалажа
• Формирање на работна група за вклучување и поврзување на сите заинтересирани страни (училишта, невладини организации и откупувачи на отпадна пластична ПЕТ амбалажа) и склучување договори меѓу сите вклучени во проектот
• Обучување на невладините организации за штетноста од спалување на отпадна ПЕТ амбалажа и работа со училиштата, учениците и родителите
• Печатење и дистрибуција на информативен леток за учениците и родителите
• Набавка и дистрибуција на машинки за намалување на волуменот на отпадна пластична амбалажа, џамбо вреќи и контејнери низ вклучените училишта
• Поставување на машинки, џамбо вреќи и контејнери
• Собирање, обработка и откуп на собраната отпадна ПЕТ амбалажа
• Анкетирање на населението за постигнатите резултати од проектот
• Креирање, печатење и дистрибуција на книшка за претставување на моделот за вклучување на училиштата во акциите за намалување на испуштање НОЗ во животната средина, како можност за негова репликација