На 9 октомври 2010 година, МДЦ-Ти.Нет во партнерство со Општина Берово, го промовираа рециклирањето на ПЕТ пластичната амбалажа.  Работна група беше составена од општински персонал, претставници на Јавното комунално претпријатие "Услуга", локалниот бизнис сектор, НВО "Здравец" и наставниците од основните училишта, каде воспоставувањето на таква програма беше од приоритетно значење имајќи во предвид дека Берово поседува огромен потенцијал за развој на руралниот и планинскиот туризам, каде општинската власт и граѓаните се цврсто посветени кон промовирање и примена на еко - пријателските вредности.
На првичниот состанок организиран во Берово на градскиот плоштад, се собраа општински водачи, граѓани и туристи. Во својот говор, градоначалникот на Берово, г-дин Драги Нагински ја изрази посветеноста на општината да продолжи да инвестира во заштита на животната средина и рециклирање.

Студентите од локалните "Зелени клубови" организираа огромна парада низ градските главни улици. Голем ентузијазам и креативност, беа наоколу. Преку целиот тек на проектот, студентите создадоа форуми, цртежи, песни и маски за славење на природата. "Биди фер со природата - Рециклирај", "Нели треба да земеме одговорност – на една ПЕТ амбалажа и треба 1000 години за да се распадне" - беа некои од клучните пораки поставени на форумите. Гостин на настанот беше младата поп - ѕвезда Влатко Лозаноски.